Otobrada

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Antonio Negri ― In gondoleta. Barcarole e rime veneziane

Otobrada

1895

Edission original:	Antonio Negri, In gondoleta, Barcarole e rime veneziane, Milano, Carlo Aliprandi, 1895
Fonte:	Indice:In gondoleta.pdf

← El gondolier

Edission e fonte ▼

Relogio fermo →

[p. 79 modifica]

OTOBRADA

Semo a metà de otobre, el mese classico
     De le fogie¹ da i álbari cascae;
     El mese dei poeti malinconici,
     4De l'anime da amor mistificae.

Beato sia l'otobre! Canta in estasi
     El mio zovene cuor tuto contento....
     Da la campagna xe tornà el mio idolo....
     8Urla che 'l cuor no ti me giazzi, o vento!

↑ fogie = foglie.

[1] fogie = foglie.

1