EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.

 Edission original:   

Antonio NegriIn gondoleta, Barcarole e rime veneziane, Milano, Carlo Aliprandi, 1895

 Fonte:

Indice:In gondoleta.pdf

←  Otobrada Edission e fonte ▼ Neve  →
[p. 80 modifica]
RELOGIO FERMO1



Se ga fermà el relogio là in saleta;
     A le sete e tre quarti el s'à fermà;
     A l'alegro tic-tac no dava reta:
     4Desso, tasendo, che tristezza el fa!

Quel sôn pareva farme compagnia:
     Quanta, senza de lu, malinconia!

Quel sôn me dava vita e bon umor,
     8Tic e tac el bateva col mio cuor.


'Desso, co sto silenzio, me par squasi
     D'essar solo, soleto, abandonà;
     E me par sia sta i ultimi quei basi
     12Che za tempo, Nineta, ti m'à dà.

Su i to' lavri ghe gera, sa, Nineta,
     Quel tristo fredo che ghe xe in saleta!

Pareva el fogo del to amor stuà....2
     16Come el relogio, in peto el cuor fermà!...



  1. relogio fermo = orologio fermo.
  2. stuà = spento.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Relogio_fermo&oldid=60172"