O bianco fior de spin,
Come ’na perla al sol
Te slusi ne l'aprile.
Par le sese 1 del campo e del giardin
Dolçe te spandi odor,
Quando che s-ciopa el caldo ventesin
Le to foiete, me se verze el cor.
E penso a ti che amor
Te fa de neve el col,
Le man bianche sutile.
Una ghirlanda voi farte per la festa
De queste bianche stele,
Le metarò su la to bionda testa
Par che te sii regina fra le bele.
Canta le pastorele,
E pianze el rossignol
Nel bosco e par le vile;
E mi che sento una gran bampa in sen,
Par ti canto e sospiro,
Ne la note de luna, al çiel seren,
L’aria, che sa de bon, con ti respiro.
Nel bianco fior te miro
Creada, per mi solo,
O anima gentile.
La poesia è tolta dal Poemèto campagnol, che fu pubblicato sotto il nome di Zen Bareta (editori fratelli Drucker, Verona 1906). La gentile poetessa che si cela col pseudonimo di Zen Bareta è la prof. Augusta Trevisani Mosconi. Della medesima è pur bello:
Su, fradei, su al laoro
Sluse el sol ne la campagna,
El ne scalda, el compagna
Col so baso pien d’amor.
Lu da secoli fedel
Fa spontar le foie e i buti 2
El ne dona fiori e fruti
Vita e forsa dà dal çiel.
I bo’ doçili al boar,
Che li stiga, sburta 3, e para
Col versòr 4 i sfonda, i ara
El terèn da semenar.
Slansa a nuvole el vilan
Sora el campo la semensa,
Po’ el lo svolta, spiana, e pensa
Che al sicuro à messo el pan.
Sani e forti, in libertà
5u d'acordo unimo i sforzi,
Dolçe el pan, senza rimorsi
El sudor ne rendarà!
