Pagina:Marco e Tòdaro.djvu/177

Lu alora, co' un sospiro tanto fato,
     Ch'el me pareva un folo¹ vechio e sfeso,
     El risponde: «Paron, mi che son nato
     156Soto un governo savio e de quel peso,
     Posso ben dirghe da gobo onorato,
     Che sta cultura soa, tuto compreso,
     Sta so istruzion, un zero no la conta,
     160Quando el timor de Dio no se ghe zonta.

Xe ben da un pezzo che a ste scole nove
     Per forza o per amor, se manda i fioi,
     Xe un pezzo che la scienza i sfogi piove,
     164Che li leze anca quel dai caraguoi.²
     E el guadagno dov'èlo? A cento prove
     Lo vede ogni cristian coi ochi soi;
     Sbiri e preson no ghe n'è mai abastanza,
     168Ne gh'è de megio gnanca la speranza.

«Parlo cussì perchè son vechio, sàla,
     E xe dei ani che ghe penso sora;
     Ma se quei che xe in alto de la scala
     172No se reduse al Catechismo ancora,

1. [p. 180]falò — soffietto, mantice.
2. [p. 180]caraguól, e nel plur. caraguòi (forse dallo spagnuolo caracol, chiocciola) è una piccola conchiglia marina a un nicchio solo, allungato a [p. 181]spira, che si piglia nelle lagune, ed è pasto gradito alla gente del popolo, anche pel suo poco prezzo.