AL MEDESIMO.
SONETTO
Alfin so Santità l'hà fatta bella
Per dar un contrassegno del so affetto
Alla Patria el gà fatto un regaletto
4Senza dar fuora gnente de scarsella.
Regalarìa anca mi quella puttella,
Ch'un gran gusto me dà col so busetto,
Se, come lù, podesse co un basetto
8Pagar l'obbligazion, che gò con ella.
No credè el n'abbia dà qualche capello,
Nè quel negozio dei Canonicati,
11Ch'anzi ancuò no se parla più de quello.
Nol n'hà dà l'elezion dei Vescovati,
Ma saveu cosa, che'l n'hà dà de bello,errata corrige originale
14Un gius de buzarar i Preti, e i Frati.
