Pagina:Strade e vicoli.djvu/21

Sta pagina la xe stà trascrita, ma la gà ancora da vegner rileta.
LA ÇENA


     Con çerte slepe21 de polenta atorno,
Che a vèdarle le par tanti messai;22
Quatro fasoi, ’na seola23 par contorno,
El slapa24 zo che no ’l se ferma mai.

     Straco massà, sudado e meso storno25
Come un caval da nolo o da tranvai;
Dopo de aver strussià26 dies’ore al giorno,
Se ghe mancasse de ste slepe, guai!

     Ma lu contento tra i so puteleti
Che i ghe ropeta27 atorno come rati;
A ci el ghe cassa in boca i fasoleti,

     A ci el ghe dà un bocon28 de polentina,
E tuti quanti i ride come mati:
Oh, se el g’avesse un quarto de galina!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Strade_e_vicoli.djvu/21&oldid=72536"