Pagina:Strade e vicoli.djvu/22

DE CARNEVAL

     L’è carneval: de mesanote andada
Un s-ciapo²⁹ de paiassi³⁰ e de arlechini
Co i canti, le chitare, e i mandolini,
I tien in ciasso³¹ tuta la contrada.

     Quà gh’è imbriaghi, là ’na mascarada;
Da par tuto popà, mame e putini...
Coriandoli a bruscade³² e confetini
I sviola³³ in aria e i va a sbiancar la strada.
. . . . . . . . . . . . . . . . . . . . . . . .

     Ma in quela casa screpolada³⁴ e nera,
Al quinto pian, cuciado³⁵ soto el teto,
Pore creature come i se despera!

     Gh'è la mama che more in quela casa.
La pianse e la se strense i fioi³⁶ al pèto
E l'è l’ultima volta che la i basa!