EL TERNO
(Fra mama e fiola)
«Cori, Betina, al Monte de Pietà
Che ò fato un sogno e meto un terno al loto;
Stavolta ghe bevemo sora un goto23
Come l’è vera che me trovo quà.»
So fiola via de spianso24 col fagoto
E dopo un quarto d’ora l’è tornà;
Fra du linsoi25 e un sial26 che là impegnà,
Messo el terno ghe resta un franco roto.
Sicura che la cabala no fala
Al sabato la compra el so stampin....27
Ma guardèla che muso: «Cosa g’ala?»
«Ò messo quatro, dòdese e quaranta,
Ma col Governo ladro e sparagnin,
No i cava çinque, trèdese e cinquanta!»
