MAL MARIDADA
«Bada a to mama, con quel rompicol
Ti te ve de sicuro a tribular,
Che se el trovasse ci à inventà el laorar....»
Ma la fiola, ostinada, la lo vol.
. . . . . . . . . . . . . . . . . . . . .
Adesso che l’è spósa e con un fiol,
L’è slangorida31 e no la pol latar;32
De dì e de note la vedì a strussiar
E so marì el baraca33 più ch’el pol.
El torna a casa coto de racagna34
E se no ’l trova bessi da fraiar35
Che bòte36 che la ciapa, pora cagna!
E le comare lì del vicoleto
Le ghe fa i conti e le sentì a sprotar:37
«Che la se ’l goda, adesso, el so moreto!»
