LA VA IN COLEIO
«Stavolta, Nena, l’emo indovinada;
Una, ostregheta,48 che m'è andada ben!
Mi de disgrassie d’era tanto pien
Che fasèa, un giorno o l’altro, ’na matada!49
La Rosina, oramai, l’è sta notada;50
E a farla longa, sabato che vien,
Don Giacomeli, ch’el me vol del ben,
El me la tol da lu, e che la vada!»
«Oh, finalmente, ma elo proprio vera,
Che no le sia le solite disdete,
Che no restemo, come sempre, in tera?
Siben che po’ a no vèdarla con mi....»
«Ma là, martufa, no ghe manca un ete!......
Ciò, no la pianse,51 quela mata lì?!»
