SO MAMA!
Na bruta ghigna,52 un muso da s-ciafoni,53
La gira par Via Nova con so fiola;
E ci ghe par, da l’aria, bontemponi,
A vèdarla che ociade54 la ghe mola!
La va ne le boteghe a tor campioni
E la parla par quatro da ela sola;
La se sganassa55 mesa da i sbocioni56
E la ris-cia, da furba, ’na parola:
“Voria far ’na bluseta a sta putela,
De lusso e a bon marcà... Ah, giovinoto,
Ma ’l guarda che fiolona,.... no l’è bela?„
“Bela!... Ma quà la roba l'è careta...
Cerchè più in su l'insegna del merloto;
Avì57 sbaglià botega, siora Beta!„
