Pagina:Strade e vicoli.djvu/71

I REFUDI

     “Quà Teresina, versi l’almaron,⁵⁸
Che guardemo i stivai⁵⁹ do sti putei;
A scarparli i me costa tanti schei
Che l'è proprio ’na gran disperassion.

     Guarda quà sto Carlin, che strassinon,⁶⁰
El g'à le sole⁶¹ rote a i so più bei;
Quei del Gino i à perso fin i anei,....
E semo sempre lì taca tacon.⁶²

     Gh'è quei de la Maria da remontar,...
Quei del Pierin i è ormai da butàr là
Che no i è gnanca boni da sponciar.⁶³

     Mah! l’è proprio così, voia o no voia:
To’, par to fiol, te fasso carità!»
E la serva tra de ela: “La se sbroia!„⁶⁴