LUDRO
(El paron e la coga)
— Mi la finisso che te dago el saco16
Se no ti te me buti sù ’na strada;
Quà fe cusina17 grassa e che la vada.....
E mi che fassa economia, macaco!
No te la intendi, no, sangue de baco,
Che ancò bisogna star in caresada,18
Che i soldi no li cato19 miga in strada,
Che tuti i mesi ghe ne spendo un saco?
Co’ un fià de riso e quatro patatine
La servitù la campa e la se ingrassa,
E no ghe ocòr lechessi20 o minestrine! —
E l’altra brontolando: “Va in malora!
Con ci sfadiga el spende sempre massa,21
Ma el ghe ne fa saltar con quela siora!„
