EL RICORDO DE LA VECETA
Su da diese scalete, al quinto pian,
In t'una camareta infumegada,48
Co’ un finestrin con tanto de ramada49
Che guarda sora i copi50 a tramontan;
Dove no riva un fià de quel bacan
Che fa la gente in giro par la strada,
Ghe vive ’na veceta malandada
In compagnia del so gatòn sorian.
In fianco al leto e sora del bufeto,51
Gh'è un santo52 rapolà,53 onto, bisonto,
E davanti ghe brusa un lumineto.
Passa de i giorni che no la se sfama;
Ma el lume al santo che la tien da conto
El brusa54 sempre par so pora mama!
