Per Giacomo Favreto
|
Edission original: |
Adolfo Gerani, Poesie veneziane, Venezia, C. Ferrari, 1903 |
|
Fonte: |
Indice:Gerani - Poesie veneziane, Venezia, Ferrari, 1903.pdf |
| ← El campaniel de sa' Marco | Edission e fonte ▼ | Zogo dei bussoloti → |
XXIII.
PER GIACOMO FAVRETO
Se la mente gavesse e la loquenza
Del Professor Antonio Fradeleto,
Mi vorave tegnir 'na conferenza
Su le opere de Giacomo Favreto.
No miga che de bàtola sia senza,
Anzi, tut'altro, perchè ghe scometo
Che ghe ne gò da darghene in credenza...
Ben, per sta volta ghe farò un Soneto.
Toh!... A le terzine intanto so' arivà
E gnancora no gò combinà gnente:
Co se vol ciacolar, gnente se fa.
Ma cossa serve dir el cossa e 'l come
Co se trata de' n'omo de gran mente?
Per Giacomo Fravreto, basta el nome!