Poesie veneziane del conte Francesco Cestari/Alla marchesa Teresa Archetti Cauzzi. Anacreontica

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
[p. 7 modifica]
ALLA MARCHESA


TERESA ARCHETTI CAUZZI


ANACREONTICA


A sto mondo xe i confronti
     Quei che fa gustar le cosse:
     Belo, e ben, ne saría sconti
     Se i so' oposti no ghe fosse.

Perchè esiste de l'amaro
     A Nu el dolce fa piacer:
     Perchè avanti xe sta al chiaro
     Pena al scuro el prigionier.

Co xe caldo se godemo
     L'aria fresca respirar:
     La salute valutemo
     Co' amalai ne toca star;

Mì in adesso no podendo
     Secondar el genio mio,1
     A Treviso star dovendo
     Fin che inverno sia fenio,

[p. 8 modifica]


Penso sempre al bel momento
     Che a Cremona m'ò trovà
     Per acrescerme el tormento
     Che mi go restando qua;

Da Filosofo xe 'l conto:
     Più che adesso sofrirò,
     Magior ben da sto confronto
     Nel vederve provarò.



Note
  1. [p. 31]Nella primavera del 1819 l'Autore deve recarsi in Cremona per abbracciare l'amatissima di lui Cugina, la Marchesa Teresa Archetti Cauzzi.