Poesie veneziane del conte Francesco Cestari/Anacreontiche a Nina/7

by Francesco Cestari

Anacreontiche a Nina
VII ../6

../8

Francesco Cestari

Poesie veneziane del conte Francesco Cestari
dedicate alla nobile donna la signora marchesa Teresa Archetti Cauzzi

Anacreontiche a Nina
VII

1819

Edission original:	Francesco Cestari, Poesie veneziane del conte Francesco Cestari, dedicate alla nobile donna la signora marchesa Teresa Archetti Cauzzi, Venezia, Alvisopoli, 1819
Fonte:	Indice:Poesie veneziane del conte Francesco Cestari.djvu

← 6

Edission e fonte ▼

8  →

VII.

Apena che 'l to viso
     Se xe incontrà col mio
     In bota m'ò sentío
     El cuor a palpitar.

D'alora in qua, Nineta,
     Co no te son d'arente,
     No trovo gusto in gnente
     Tuto me fa stufar;

E in vece co me vedo
     Vicin a tì un momento,
     Mì provo un tal contento,
     Che in cielo no se dà.

Vicin, lontan in fati
     Che al so bel viso sia...
     Quel che mì dir voría,
     Nineta, ti lo sa.