Progresso
|
Edission original: |
Augusto Levi, Versi in dialetto triestino, Trieste, Caprin, 1915 |
|
Fonte: |
| ← Una dele tante serve | Edission e fonte ▼ | A Giuseppe Caprin → |
Progresso
La va pel Corso al’ ora del liston,
Vestida che la guarda tuti quanti,
Ghe lusi nele recie do brilanti
Che vien voia de darghe un morsigon.
I dixi che la xe poco de bon,
Che la ga avù come formighe amanti,
Pur la xe bela ancora e spasimanti,
La ga che ghe se buta in zenocion.
Ma in ogi la xe onesta; la ga un vecio
Che ghe ne dà cole man e coi piè,
E de morosi no la ga che el specio.
Pensar che adesso al mondo la ga tuto,
E un giorno, fioi bisogna che savè,
La magnava la boba in Istituto.