Quanti stolidi mai, ch'i s'hà ridotto
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 3.djvu |
| ← Avendo i Tripolini rotto el pato | Edission e fonte ▼ | Oh Dìo, xe morto l'Emo! Oh Dìo, che testa → |
Quanti stolidi mai, ch'i s'hà ridotto
A magnar ogni dì sol la polenta,
Patir cento miserie, ch'i tormenta
4Per ziogar ogni zorno i bezzi al lotto!
Eppur i và sul botteghin de trotto
S'una cabala, o un sogno li fomenta,
Superstizion, che dà l'ultima spenta,
8E li manda alla fin presto de sotto.
Oh! Matti buzarai, senza governo,
Quand'aspetteu, che vegna i ponti boni?
11Gnanca, mi credo, se zioghè in eterno;
Solo quando cerchè per i bragoni,
Se ghè più bezzi, incontrerè nel terno,
14Che sarà 'l vostro Cazzo, e do cogioni.