Quanto i Decreti vostri imperscrutabili

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 285 modifica]
INVESTIGABILES VIAS EJUS.


SONETTO


Quanto i Decreti vostri imperscrutabili,
    Signor, xe mai! E chi sarìa l'ardito
    De capir per un pomo quel prurito
    4De farne eternamente miserabili!

Quanto le vostre strade investigabili,
    Signor, xe mai! E chi averave dito,
    Che servir ve volessi d'un delito
    8Per redimer dei cuori ingrati, e labili!

E deventar el fìo d'un Marangon,
    E d'una, che fà fioli, e resta puta,
    11E morir impicà, come un baron;

E dir de farlo per la terra tuta,
    E pò, che no lo sappia, che un canton,
    14Oh Signor gavè pur la testa acuta!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Quanto_i_Decreti_vostri_imperscrutabili&oldid=46666"