Quel dì che la Natura benedia

by Gian Giacomo Mazzolà

3 III I cavei de Nina II IV Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

III

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  II

Edission e fonte ▼

IV  →

III

Quel dì che la Natura benedìa,
     Dopo un longo pensar e repensar;
     Alfin la s'à ressolto de impastar
     4El Belo del qual Nina xe vestìa,

Come per far un'opera compia
     La ghe fava su un studio singolar;
     I Dei del Ciel la stava là a vardar
     8A boca verta tuti atorno via.

Altro no ghe mancava che i Cavei,
     Quando dal gran laorier Natura straca
     11Volta via, e impianta là fatura e Dei.

Se afana el Sol, no 'l pol tegnerse più,
     El se spianta i so ragi, e 'l ghe li taca;
     14E questo xe che i sluse come lu.