Su do spale che par, cossa Fradei?

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 18 modifica]
IV


Su do spale che par, cossa Fradei?
     Mi no so cossa dir, de neve fate,
     Veder do Drezze sparpagnae, desfate,
     4Dei più longhi biondissimi Cavei;

E veder tuto semenà de quei,
     Ingrespai suso da le ariete mate,
     Anca un bel fronte bianco come 'l late
     8Nome alora monzuo dai caviei;

Zonzèghe un viso che rechiama e aleta,
     Zonzèghe 'l cuor che bagola e scantina,
     11Amor zonzèghe che de mazo teta;

E po no ve lassè vegner su i caldi?
     E po de trasto no saltè in sentina?
     14E po', per Baco, poderè star saldì?

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Su_do_spale_che_par,_cossa_Fradei%3F&oldid=42943"