Quel oro che a indorar ti à doparà

by Gian Giacomo Mazzolà

3 LXIX I cavei de Nina LXVIII LXX Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

LXIX

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  LXVIII

Edission e fonte ▼

LXX  →

LXIX

Quel oro che a indorar ti à doparà
     Sti Cavei che 'l mio cuor tien a caena,
     Ma da quala miniera e da che vena,
     4Natura, el gastu mai tiolto e scavà?

Gavaressitu fursi destilà
     L'ambre, i zafrani e del Perù l'arena?
     Ma quel biondo no xe cossa terena,
     8E solo in Ciel ti 'l pol aver catà!

E come gastu mai dà quel gagiardo
     Lustro e splendor, Natura benedeta,
     11Che sti ochi me imbarbagia co li vardo?

Ah! seguro una parte dei so bei
     Ragi ti à robà al Sol, e po a Nineta
     14Ti ghe li à messi in testa per Cavei!