Zentili ventesei, placide ariète
|
Edission original: |
Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
Indice:Collezione delle migliori opere scritte in dialetto veneziano 4.djvu |
| ← LXVII | Edission e fonte ▼ | LXIX → |
Zentili ventesei, placide ariète,
Che dolcemente insieme zogolando,
Del Ciel per i canali andè noando
4Co quele lizierissime penete;
Se andarve tra le Drezze morbidete
E i Cavei grespi del me Ben cazzando
Xe 'l vostro gusto e bagolo più grando,
8E far là scondariole e furlanete;
Quel invidioso crudo Dove-seu,
Che indrio ve tien, nè lassa che passè,
11Ma come, come in pase el soporteu?
El me tiol anca a mi la dolce vista...
Ah! cazzè fora quanto fià gavè,
14E quel cagnon supièlo via per crista.