Rico Toti

by Attilio Turco

3 Rico Toti Sonetti Veronesi Sonetti Veronesi/Parte V - Trento e Trieste Sacrefissi La retirada Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte V - Trento e Trieste

Rico Toti

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  Sacrefissi

Edission e fonte ▼

La retirada  →

RICO TOTl

Quando me vien in mente Rico¹ Toti,
     ’Na lagrima me riga la ganassa...
     L’era de Roma, el re dei patrioti,
     ’Na gamba sola e ’l ghe n’avea ’nca massa!

Quando l’ltalia l’à sonado i boti²
     De guera, contro quela bruta rassa,
     Lu ’l s’à infilado in meso ai zovenoti
     E, bersalier, l’à volù che i lo fassa.

Un giorno po’ l’à roto la consegna,
     L’è sbalsà in prima fila, svelto e forte
     A molàr s-ciopetade, a tuto vegna!³

E quando po’ l'è sta’ ferido a morte,
     L’à alzà contro i croati la stampèla⁴
     E ’l g’à scaraventado⁵ ’drio anca quela!

---

Note

1. Rico ― Enrico;
2. i boti ― i segnali;
3. a tuto vegna ― a più non posso;
4. stampèla ― cruccia;
5. scaraventado ― gettata con forza.