Risposta d'un guercio
|
Edission original: |
Raccolta di poesie in dialetto veneziano d'ogni secolo nuovamente ordinata ed accresciuta, Volume unico, a cura de Bartolommeo Gamba, Venezia, G. Cecchini, 1845 |
|
Fonte: |
| Edission e fonte ▼ |
Risposta d'un guercio.
Un certo tal che un ochio sol gavea,
Ma che de furbarie ghe ne savea,
Con un ch'i aveva tuti do à scomesso,
Chi de loro ghe vede più da presso.
Per diana, dise el sguerzo, ò venzo mi;
E vustu veder se la xe cussì?
Mi do ten vedo con un ochio sol,
E ti con do vederme un sol ti pol.