Rosa de Majo
|
Edission original: |
Il dialetto e la lingua, Antologia vernacola, a cura de Vittorio Fontana, Verona, M. Bettinelli, 1924 |
|
Fonte: |
| ← Temporal | Edission e fonte ▼ | La strada poareta → |
Rosa bianca delicata
che lontan da la me vila
tra le verze e la salata
te vien su svelta e sutíla,
rosa bela che, par caso,
te si nata 'n mezo ai campi,
g’ò paura che ’n un vaso
trapiantada no te campi;
g’ò paura che, a portarlt
ne la tera da giardin,
te patissi e da la parte
te se strina el bocolin;
g’ò paura che te perdi
quel profumo così forte,
che le foje fresche e verdi
le deventa gialle e smorte.
Resta dunque, rosa bela,
co 'l to bócolo tacà;
farò far una stradela,
che condusa in fin a qua;
'na stradela con do sese
verde e fulte che mai più
par no védar le vanese
e le verze che vien su.
F. N. Vignola