EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
Rossa e bianca
1905

 Edission original:   

Gino CucchettiSpiere de Sol!, Roma, Tipografia Elzeviriana, 1905

 Fonte:

Indice:Spiere de Sol.djvu

←  La Nina al pozo Edission e fonte ▼ La conquista de la Nina  →
[p. 3 modifica]
ROSSA E BIANCA

A NINETA


Co te vedo passar soto i balconi
Tuta rossa nel viso e scalmanada,
Nineta mia, per quei do bei ocioni,
4Me butarave zoso ne la strada.

Quel rosso che te imporpora la çiera,
Quel rosso cussì vivido incarnà,
Te fa parer un fior de primavera,
8Un bocolo de riosa profumà.

Soto i balconi co passar te vedo
Col viso bianco, un poco palideta,
Nel cor me sento un brivido de fredo,
12E un brivido... d'amor par ti, Nineta!

Un anzolo ti par del paradiso
Col bianco te incorniza quei to ocioni...
Rossa o bianca... voria basarte in viso
16Co te vedo passar soto i balconi...

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Rossa_e_bianca&oldid=58218"