Sì, donete, meteve el capelin

EPUB   MOBI   PDF   RTF   TXT
Qualità del testo: sto testo el xe stà trascrito e rileto.

[p. 454 modifica]

Sì, donete, meteve el capelin
     Picolo, o grando come vol la moda,
     Adateve i polseti, el ventolin
     4Manizè pur, ma con grazieta soda.

Longo o curto abiè pur el tabarin,
     Compiaseve se l'abito i ve loda,
     Co bela scarpolina el bel penin
     8Lassè che in balo onesto se la goda;

Che s'à usà sempre, e sempre se usarà
     Che le done inclinae sia a deliziar
     11L'omo che al vostro sesso xe inclinà.

Ma tuto quel che no convien mostrar
     No mostrè a tuti, perchè tuti sa,
     14Che co se espone incanto se vol far.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Sì,_donete,_meteve_el_capelin&oldid=71463"