Samarco (Antonio Negri)

by Antonio Negri

3 Samarco In gondoleta. Barcarole e rime veneziane A chi dà e tol Ricordi Antonio Negri 1895 XIX Soneti

Indice:In gondoleta.pdf

Antonio Negri ―  In gondoleta. Barcarole e rime veneziane

Samarco

1895

Edission original:	Antonio Negri, In gondoleta, Barcarole e rime veneziane, Milano, Carlo Aliprandi, 1895
Fonte:	Indice:In gondoleta.pdf

←  A chi dà e tol

Edission e fonte ▼

Ricordi  →

SAMARCO¹

---

Che bel tramonto: rosso sfogonà²
     Xe 'l çielo in fondo, sora l'Ascension;
     Come, Samarco mio, ti è iluminà,
     4Come te sluse i ori del fronton!³

In ogni capitelo⁴ per svegià
     Quel santin bianco, drito o in zenocion,⁵
     E par che se vergogna, ranzignà,⁶
     8Ogni colombo soto el cornizon⁷

Nel çiel rosà più alegri i par stassera
     I colombi che svola, e che deboto⁸
     11Tra le colone un posto i trovarà

E i splendidi Cavai sluse de fiera
     Vita, e par quasi che i se slanza al troto
     14Verso el çiel de ponente imporporà

---

1. Samarco = la basilica di San Marco.
2. sfogonà = rosso come il fuoco.
3. sluse i ori del fronton = rilucono le cose dorate della facciata.
4. capitelo = tabernacolino.
5. in zenocion = ginocchioni.
6. ranzignà = rannicchiato.
7. cornizon = cornicione.
8. deboto = fra poco.