Se no i xe mati no li volemo/Atto terzo
|
Edission original: |
Gino Rocca, Se no i xe mati no li volemo, Milano, Treves, 1928 |
|
Fonte: |
Indice:Rocca - Se no i xe mati no li volemo, Milano, Treves, 1928.pdf |
| ← Atto secondo | Edission e fonte ▼ |
La Nana entra dal fondo, con un catino colmo di ghiaccio. Ginetta esce di destra: è pallidissima, stanca, spettinata. Ha vegliato tutta la notte. Ha in mano, vuota, una di quelle borse di gomma che si mettono sulla testa dei febbricitanti. Aiutata dalla Nana riempie questa borsa di ghiaccio. Ogni tanto le due donne si guardano. tristi, rassegnate. Poi Ginetta esce di destra. La Nina riprende il catino. Bussano.
Chi xe?
Entra Sioria. È molto invecchiato, curvo, triste. Si toglie dal capo il berretto di pelo.
Oh, come vala?
Mal.
Anca vu?
Anca mi. Straco.
Voleu che scalda anca per vu, un goto de late? La signorina no la lo ga gnancora tolto.
Ben.... sì: ghe stago.
Accenna alla stanza di là.
E?...
Una note de inferno. Adesso el se gà quietà. Ogni matina, daresto, el se indormenza, el se quieta. El se svegia: el magna, par che'l staga benon.... Ma co' scominzia a far scuro.... E po' la note....
Pausa.
Saveu dove che i dise che i xe andai?
incuriosita.
No. Disème.
Al paese de lu.
Là zo? In tanta malora?
Par che lu gabia qualcossa là zo. Qua, al preside, el ga scrito domandando l'aspetativa per un ano. I lo ga za sostituìo.
Ginetta rientra. Sioria si alza.
Oh, Sioria! Za de ritorno?
Xe le undese, signorina.
E come xela andada?
rigirando il berretto fra le mani.
Cussì....
Zente?
Nissun.
La Nana esce.
Cossa vorla? Nissun. E nissun andarà a trovarlo più. Mi son vecio, sior Bortolo Cioci, el xe più a remengo de mi.... Sior Momi....
Commosso.
La xe finia! Cossa farò po' mi, adesso, che co sta nova combinazion el Manicomio va in malora, Dio solo lo sa!
Restarè guardian.
alza le spalle.
Oh!
Portier.
con forza.
No, no! Co i novi paroni no ghe resto! I ga za mandà i mureri drento: i bate, i pesta, i rebalta.... Tuta la roba de 'l museo, i la ga butà in orto. E no se pol dir gnente, i paroni i xe lori!
Rientra la Nana con due scodelle fumanti di latte.
Tolè, Sioria. Questo el xe caldo: el ve farà ben.
prendendo avidamente la scodella.
Grazie.
E ela, signorina?
No go vogia, Nana!
Bisogna sforzarse, se no.... Xe da geri sera che no la tol gnente. Un sorso, andemo!
Ginetta sorseggia svogliata.
Seu andà in treno?
No: co'l camion. Çerti rebaltoni!
E là ghe gali fato un bel funeral!
Ghe gera el prete, ghe gera un caro: i fiori de sior Bortolo e i vostri che go portà mi. E basta.
Ma galo proprio scrito ne'l testamento che'l voleva esser sepelio là?
Si.
Percossa?
Ciò, xe sepelio so fio ne'l cimitero de guera. No ve recordè che l'andava sempre a Fenèr?
Ah, sicuro.
El ga volesto starghe viçin. Eh, quela sera che 'l xe tornà a casa co 'na gamba sgionfa e co 'na tosse.... 'na tosse.... El me ga dito subito: «Sioria, bona note: xè ora de retirarse in bon ordene.» Savè ben come che'l parlava sempre lu! Dopo, el ga voluo farse trasportar ne la so caseta: pareva che'l stasse megio, ma.... Povaro sior Piero!
commossa.
El gera tanto bon!
Tuti tre i gera boni. Tuti tre. Anca sior Bortolo che brontola. E pensar, signorina, che mi me li ricordo tuti nove de la congrega de i mati, zovenoti, co 'l povaro conte Bepi in testa!
Sioria, vu che sentì le ciacole de 'l paese....
protestando.
Oh, mi, benedeta....
Gala scrito a qualchedun?
I dise....
Ah!?
A 'na so amiga: la siora Luçieta.
Ah, la Mignógnoli. 'Na bela amiga, sì!
I dise.
Da dove?
Da 'l paese de lu, zo, a le basse.... ne le Calabrie....
I me ga dito anca a mi che i xe andai là. Che lu ga scrito al preside domandando un'aspetativa de un ano per salute.
Sì, signorina....
Ah, xe vero alora? Manco mal. E chi sa che qua su, no i se pensa de vegnir mai più.
Entra Bortolo. Anche Bortolo Cioci è molto depresso, molto invecchiato. Respira un po' ansando e traballa qualche volta sulle gambe curve. È bene imbacuccato. Si toglie il cappello e i mezzi guanti di lana grigia. Depone il bastone in un canto.
a Ginetta.
Oh, signorina! Bonzorno.
A Sioria, aspro, ringhioso.
Cossa feu vu qua? No sè andà a Fenèr?
Sior sì.
E ve gavevo dito, co tornavi, de passar da mi, perchè gavevo bisogno.
Me son fermà qua a tor 'na scuéla de late.
Gero bon de darvela anca mi.
Alora, el me diga cossa che 'l vol.
Da 'l momento che sè qua, tanto megio. Gera proprio qua che volevo dirve de vegnir. Speteme che ve ciamo. Andè in cusina co la serva.
offesa.
Ah, no 'l dubita che savemo che quelo xè 'l nostro posto!
Me despiase se no 'l ve comoda....
Oh, el ne comoda, sior sì!
Ben, se'l ve comoda, vardè de no perderlo!
La Nana esce. Sioria si avvia per seguirla.
a Sioria.
Sioria.... me racomando: vardè che 'l papà no sa che sior Piero xe morto, e no 'l ga da saverlo.... per adesso. Ghe gavemo dito che 'l xe sempre là in casa Bardonazzi, che no 'l pol moverse perchè ghe fa mal la gamba.... El se impressionaria se'l savesse: e, adesso, bisogna che 'l viva quieto più che 'l pol.
Giusto.
No la dubita, signorina.
Se'l ve domanda — el ve domandarà çerto — ghe dirè che'l lo manda a saludar, che'l sta un pocheto megio, che presto 'l se movarà.
Sì, signora.
aspro.
E no femo sempiae!
Sioria esce.
Dormelo?
Sì. Adesso el xe quieto, ma stanote....
Eh, lo so. Ve ga tocà ancora mandar a ciamar el medego.
A mezanote. Nualtre do done, da sole, no se podeva.
severo.
Vualtre do sole no podè.... La se meta ben in testa che no podè!
Ma cossa vorlo? Tegnir un infermier qua, sempre, xe 'na spesa.... E po' co 'l xe quieto, no 'l se ricorda più de gnente, el par proprio tornà come prima. El magna, el ragiona, el lavora anca....
El ragiona?
Sì.
Cussì: su le nuvole.
Oh, Dio, se sa che....
Se sa che.... l'andarà sempre pezo!
spaventata, con angoscia.
Sior Bortolo!
Ghe parlo s'cieto....
Pentito.
Mi no son bon de dir le robe co un fià de sesto, come che fa i altri! Mi son un porco spin! Del resto el dotor el xe vegnuo da mi stamatina: el me ga parlà ciaro. Mi son andà da l'avocato Giostra anca per el nostro afar.... Prima che ghe suceda qualche desgrazia a ela, a lu, qualche repeton.... Momi ga bisogno de esser ricoverà.
con un grido.
No, no! Fazzo tuto mi, no andarò mai a dormir, no lo lassarò mai un minuto.... ma no i me lo porta via, sior Bortolo. No i me lo porta via! Cossa vorlo che fazza dopo, mi, qua sola?
dopo un attimo di esitazione, senza guardarla.
Mi ghe digo che son impiantà mal, in casa mia. Lo so. Ma oramai no posso cambiar la mia vita. Daresto, tuti crede che sia impiantà pezo de quelo che son! La Cate la xè 'na serva.... sì: 'na servazza! La lo diga pur. Ma no la xè cativa. La ga fato de'l ben a tanti, e no la ga voluo che nissun lo savesse: de 'l vero ben. La vegna a star co nualtri.... se ghe comoda. Mi no so dirghelo in un altro modo: ma bisogna che la me capissa. Ormai se pol dir che son restà el solo de la congrega. Se ela resta sola go el dover....
Ma sior Bortolo, credelo proprio che bisogna?
Per el ben suo de lu.
Per el ben suo?
Sì. Quei xe malani che in casa no se li cura.
Ma lu stesso no 'l vorà, el se agiterà. No'l sa de esser malà. Lu no se recorda de le crisi. Co le ghe passa, ghe par de aver dormio. El se svegia co i ossi roti, straco, e ghe par de aver dormio mal.
Ma no 'l vol più andar fora de casa, perchè 'l dise che 'l li ga visti, che i xe qua, che i xe passai soto le so finestre.... che'l ga anca sentio che ela la cantava e la rideva.... Vedela? Questo el lo dise ne i momenti che ela ghe ciama tranquili.... I lo curarà ben.
E che'l guarissa?
Pol darse.
ansiosa.
El medego.... cossa galo dito a lu el medego? El sia sincero, sior Bortolo.
El medego ga dito: pol darse. L'età, esaurimento.... e po' la batosta de quela note.... Se ricordela come che lo go portà a casa?
Oh, se me ricordo!
El ghe voleva ben, ah?
El ghe ne vol ancora.... el ghe ne vorà sempre.... La xe stada la so rovina! Ma no'l me ga gnancora dito, sior Bortolo, come che 'l li ga visti.
Ciò.... el gera in mascara, el xe andà ne'l so palco. No i lo ga riconossuo. El li ga trovai che i rideva, che i beveva, che i se basava.
Entra la Nana.
Ghe xe quel avocato.... quelo zovene....
seccata, a Bortolo.
Ma percossa lo galo fato vegnir qua?
Gavemo bisogno de lu. Povaro diavolo! El xe pentio de averne tratà mal. Po' bisogna anca che ela la firma per Momi le carte che go dito. Falo passar.
La Nana esce. Poco dopo entra l'avvocato Giostra. Ha una busta di cuoio sotto il braccio.
Bon giorno, signorina. Sior Bortolo, bon giorno.
Bortolo e Ginetta salutano. Apre la busta sulla tavola. A Ginetta.
Sior Bortolo Cioci ghe gavarà spiegà imagino. Gavemo pensà finalmente de liquidar la façenda de la sucession Bardonazzi cussì, per el ben de tuti. Nualtri entremo subito in possesso de la sostanza imobiliare, e vualtri gavè un picolo capital. Cussì anca ela, el giorno....
Si arresta pentito.
Mi no me ne intendo. Ghe lasso far a lori. Credo che sarà ben; che el papà un zorno, no'l me criarà.... se'l podarà, un zorno, tornar a ocuparse lu de i so afari.
Ansiosa.
Credelo che 'l possa guarir?
Oh, non ne dubito. Ma per adesso xe megio....
A Bortolo.
Lu ghe ga dito, vero?
Si.
E lo tratarali mal?
Oh, signorina! Del resto la podarà sincerarse ela, co la vorà....
Le porge un foglio.
La firma.
intingendo la penna.
Qua?
Sì: qua e qua. Ghe go portà anca, intanto, una specie di anticipo. So che sior Momi ga dei impegni, che ghe xe bisogno....
Conta del denaro.
Quatromila per adesso. La me firma anca sta ricevuta.
firma, poi mettendo il denaro in un canto, sorride.
Questi ghe li fasso veder al papà. El se gode a veder i bezzi, lu che'l ghe ne ga sempre visti cussì pochi.
Bisogna dirghe che la xe 'na parte de la rendita.... un aumento in un contrato de afitanza. Che li ga portai sior Anzolo, el ragionier. No la ghe diga, per l'amor de Dio, che ghe li go portai mi. Mi lo speto adesso per firmar el contrato de vendita de la vila de Genzian.... Semo stai d'acordo cussì. Lo speto in uficio. Bisogna dirghe questo. E che ocore proprio che el se decida a moverse lu. Ghe xe el sol.... le strade xe sute. El mio uficio xè proprio ne lo stesso pian de la direzion de l'ospeal. Sior Bortolo e Sioria lo compagnarà.
con dolore.
Mi, no?
Ela no.
si guarda intorno smarrita.
Mi resto qua?
La vegnarà doman, ela, a trovarlo.
Ma el se desperarà, el me ciamarà, l'urlerà....
No: el se quietarà subito. El trovarà de i dotori che lo tratarà come un fradelo, come un papà. No la gabia paura, signorina! E po' mi ghe son sempre là.... mi, che go da farme perdonar, dal so papà un bruto momento.... A le volte se se lassa montar la testa da le ciacole de la zente, e se parla senza saver.... Proprio senza saver.
La Nana è entrata ed ha cominciato a preparar la tavola in silenzio.
alla Nana.
Cossa fastu?
Parecio.
Per do!?
Eh, ciò: per quanti? Per do!
Appare Momi sulla soglia dell'uscio di destra. È disfatto, cadente. L'occhio è strano, come vuotato: il sorriso è spesso assente. Si arresta, corruga la fronte con un movimento di fastidio guardando Giostra.
a Giostra.
Lu?
Sì: no ghe despiaserà, spero....
No.
Me par de aver fato qualcossa per farghe desmentegar quel giorno che son vegnuo a dirghe in un modo un poco insolente....
Eh, no! lu, come principio, el gaveva rason. El gaveva rason!
Sorride guardando Bortolo.
Naturalmente nualtri no se semo lassai meter nel saco!
Siede.
Xelo qua per afari?
Ogni tanto porta la mano alla nuca, come per un forte dolore.
Dunque, gavemo anca açetà la proposta de vender la villa de Genzian.
Ah! E chi la compra?
Nualtri.
Lu?
La Congregazion.
Ma, se la gera sua....
Compremo el dirito de farghene subito quel'uso che ne comoda. Deve esser vegnuo anzi sior Anzolo, el ragionier, a portarghe a la signorina 'na parte de la capara....
Indicando Bortolo.
Che anca lu, del resto, ga avuo.
a Ginetta.
Xelo vegnuo?
Sì, papà.
Quando?
Prima.
Gli fa vedere il denaro.
Eco.
sfiora con le mani gioiosamente, infantilmente quel denaro. Guarda Ginetta.
Ah, benon, ciò, benon! No te par?
Ma lu, sior Momi, el deve farme un gran piaçer.... vegnir da mi in mezà per firmar, come ga fato sior Bortolo Cioci, davanti al nodaro, la carta de rinunzia e de cession.... La xe assolutamente necessaria per sta pratica de Genzian.
si alza tremando, con un lampo d'ira e di paura negli occhi.
Mi fora no vegno!
Che idee!
con un lampo d'ira e di paura ne gli occhi.
No vegno, insoma! Fora de casa no vegno!
Ma perchè?
So mi percossa! Xe un mese che no me movo, che tegno i scuri de camara mia serai. Ghe sarà la so rason! No ocore che la diga.
Momi.... me par che adesso ti fassi el piavolo.
Pezo per mi!
Ma ti mandi a remengo l'afar!...
sorpreso.
A remengo?
I xe bezzi: pénsighe! Ti me comprometi anca mi.
Ma no 'l pol vegnir qua sto nodaro?
No. Oh, Dio! se lu fosse malà, se no'l fosse in condizion de poderse mover.... Ma lu sta benon....
Mi stago benon.
Dunque?
guarda Ginetta, perplesso.
Cossa distu ti? Oh, se no fusse per ti, moriria de fame qua, drento qua, serà suso qua, per no veder la zente, le strade, le.... Con chi vado?
Co mi e co Sioria.
Me compagnè vualtri do?
Si.
Ah, ben. E quando?
Adesso. Fra mezz'ora.
Che ora xe adesso? Le undese.
Con spavento.
No! A sta ora no!
Stasera, alora....
con spavento.
Col scuro no. Adesso, piutosto. Ma co vualtri do.
a Giostra.
El me speta pur. Dove?
Ghe lo go dito: in mezà da mi.
A Giostra.
Cussì che la casa de Genzian, la deventa 'na specie de caserma.... Del palazzo Bardonazzi, co saremo morti nualtri, chissà cossa che ghe ne farè!
Çerto che el paese adesso se trasforma. Oh, tute quele casupole de la piazeta de le erbe i scominzia a butarle zo. Le scuole xe zo anca....
Le tecniche?
Si.
agitato.
E dove xe, adesso, che va a scuola i putei?
imbarazzato per un'occhiata di Ginetta.
Provissoriamente.... nei locali de'l Seminario.
con terrore.
Qua viçin! Ah, lo savevo mi: qua viçin.
Ma, Momi!
Piavolo ti disi che son! Piavolo son, piavolo resto! Ma, ti, tasi!
A Giostra, calmandosi.
E'l monumento lo fali?
Sicuro.
Vorlo che ghe diga el mio progeto? Mi go fato un progeto, el lo sa.
Lo so.
Salo cossa che'l xe? Un buso! Un buso fondo cussì.... come 'na piramide rebaltada, e quatro scalinae, e in fondo, un picolo altar. E basta. E da l'alto de'l bordo de sto buso, tuti vede: i pol andar zoso.... i vien suso per le scalinae bianche, i porta fiori, i li buta.... Un buso ne'l mezo de'l paese, come se'l ricordo dovesse star in fondo al cuor. No 'na roba che tuti vede, anca chi no vol, anca quei che passa ridendo.... destinada a deventar un particolar qualunque. No. No un'ostentazion de 'l paese: un segreto de'l paese: un buso. Chi che vol, va fin là: i va a posta: i xe quei degni, quei che se ricorda.... I varda.... Ma le mie idee qua no le taca. Anca lu pensarà....
No: anzi....
Oh, son sicuro! Go visto i oci che'l faseva intanto che ghe parlavo.... Go visto! Gineta, no ti ghe ofri gnente?
No'l se disturba. Mi vado. E lo speto.
Va ben.
a Giostra, sulla soglia, sottovoce.
Grazie, avocato!
Servo suo.
Giostra esce.
Bisogna che me vesta.
Sì. Metite'l gilè de lana. Vustu che te agiuta?
No.
Esce di destra.
piangendo.
Ah, sior Bortolo!
rude.
No: cussì no! cussì no! Se no el se ne inacorze, andemo! Vorla far la stupida anca ela, ancuo?
Pausa. Ginetta si ricompone.
El xe convinto che i xe qua, insoma!
Sicuro. E che i va per le strade, e che tuti li riceve, e che tuti ride de lu, e che i se la gode....
Ma no la ghe lo ga dito?
Sì. Ma.... una note'l dise che'l li ga sentii cantar. Una matina el xe andà a la finestra e'l dise che'l li ga visti....
Vedela? Bisogna ricoverarlo. Qua no xe possibile. E po' co quei accessi che ghe vien de note....
La bava a la boca, salo? la bava a la boca. E i oci!... E no 'l me riconosse gnanca mi: e bisogna ligarghe le man, se no el se sgrafa, el se tira i cavei, el se pianta le ongie qua...
La vedarà che là, i lo farà subito star megio. La xe zente che xe abituada, che sa far....
Ma mi, podarò vederlo?
Sicuro, col permesso del primario....
Ah, ghe vol el permesso?....
Con angoscia.
E se no i me lo dà, sior Bortolo?
rude.
Entra Momi. È imbarazzato. Ha sotto il braccio un pacco misterioso.
a Bortolo.
Go pensà una roba. Sastu cossa che fasso? Prima vado là, firmo.... E po' andemo a trovar Piero Scavezza.
vivamente, istintivamente.
No!
sorpreso.
Percossa? Ti me ga dito ti che no'l pol moverse, ma che 'l sta megio.... Me lo ga confermà anca Sioria. No vedo l'ora de vederlo, povaro can! Chissa anca lu come che'l sarà contento de vederme!
A Bortolo.
Xelo sempre là ne la so camereta, al secondo pian? Sastu cossa che go qua? El bozeto de un medagion da meter su la tomba de so fio, quelo dei alpini, che xe morto in guera a Fenèr.
Fame veder.
No: dopo. Go lavorà in sti zorni, sempre serà suso: go lavorà.
Bravo!
Son contento de andar al Manicomio.... Un mese, pensite! che no ghe vado più. Ghe xè sempre el piano? Faremo 'na sonadina.
a Ginetta.
La ghe vada a dir a Sioria....
Si. Xelo qua? Valo a ciamar.
Ginetta esce. Circospetto a Bortolo.
Senti, vustu che te ne diga una in gran segreto? Gastu visto come che 'l me vardava l'avocato Giostra co ghe parlavo del monumento? Ti sa cossa che i diseva qua in paese, de i mii progeti: «roba da mati!» Mi esagero.... ma lu el crede che mi sia mato.
Ride.
Ti dovaressi far finta anca ti. Ghe lo vogio dir a Piero. Le matae come prima, nualtri no podemo più farle: semo veci, ne dol i ossi.... e gavemo fato çerte fadighe!... Te ricordistu? Cussì, col sistema che go trovà mi, se pol sempre aver dirito a l'usufruto senza che nassa de le question. Ti vedi che l'avocato Giostra el xe diventà bon. El gà molà. Mati, gavemo de esser, se no la società non esiste e non esistono le persone giuridiche.... come galo dito? Mati. Ma xè megio far finta de esserlo, stando in leto.... No te par che sia giusto quelo che digo?
Entra Sioria, lo segue Ginetta.
Oh, bravo, Sioria! E ti, Gineta, parecia che fra un'oreta torno. Me gala fato la polenta la Nana?
Sì. Gastu el gilè?
Momi si sgancia per farglielo vedere.
Metite anca la sciarpa intorno a colo: coverzite ben, che fa fredo.
imbacuccandosi.
Me coverzo, no aver paura!! Me coverzo!
A Bortolo e Sioria.
Ricordeve che mi sero i oci: me condusè vualtri. No vogio veder. Go sempre avuo paura de veder, fin da toso, perchè la vita me spaventava.... L'unica volta che go vardà co' i oci 'verti cussì.... me xe capità una legnada qua, qua su la copa, che se no son morto....
Bortolo e Sioria gli offrono il braccio, si avviano con lui.
Mi sero i oci. Me ciapo a brazzo de vualtri, e vualtri me condusè.
A Ginetta.
Meti via quei bezzi, Gineta! Adesso bisogna scominziar a tegnirghene da conto. Andemo.
Si avvia fra i due, curvo. Escono lentamente. La porta si richiude.
si guarda intorno smarrita. Cade su di una sedia singhiozzando.
Papà!... papà!... El mio papà!