Sento franchi

by Attilio Turco

3 Sento franchi Sonetti Veronesi Sonetti Veronesi/Parte I - Gli autor...e...voli Metamorfosi del cor I sistemi d'ancò Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte I - Gli autor...e...voli

Sento franchi

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  Metamorfosi del cor

Edission e fonte ▼

I sistemi d'ancò  →

SENTO FRANCHI

Me par d’essar paron de meso mondo,
     Quando che gò in scarsela sento franchi;
     Tuti i pensieri tristi i me va in fondo,
     E anca i più neri... i me deventa bianchi!

Se cato quei che vansa, no me scondo,
     Ma serco de cassarmeghe 'n te i fianchi,
     Par darghe da conossar ciaro e tondo
     Che sempre, o Dio dell’Or, no te me manchi!

E in poco tempo: paga, paga e paga,
     I sento franchi i se reduse a diese,
     A sette, a sinque, a quattro e che la vaga!

Torno in boleta¹ e seguito a far spese;
     E, se no ghè nessun che me ne daga,
     Speto a pagar ai trentadu.... del mese.

---

Note

1. in boleta - al verde.