Sessolote...
|
Edission original: |
Augusto Levi, Versi in dialetto triestino, Trieste, Caprin, 1915 |
|
Fonte: |
| ← El campanil de S. Giusto | Edission e fonte ▼ | Casson xe Bonbon! → |
Semo fresche, semo bele
E sul viso mai sbeleto
Bianca e rossa xe la pele,
Tanto in strada come in leto,
Carneval xe el nostro covo
Su in casson e al Porto novo.
No andemo miga in maschera
Come le capeline,
Che sti museti, diavolo!
Xe rose, senza spine,
Vardeli... sangue e late!...
E d’una polca al son.
Noi sole semo l’anima,
Del celebre casson.
Ma de carneval sgobemo
Per la sala e la polenta,
E drioman cafè netemo,
La fadiga no spaventa:
De natura forte e stagna
Se se sgoba, se guadagna.
No andemo miga in maschera, ecc.
E finì el lavor la sera
Coss’ credè che semo fiape?
Ma va là! su per Barriera,
Noi vignimo in tante clape,
La canzon petemo in coro
Viva el nostro biondo o moro!
No andemo miga in maschera, ecc.