Siè cantè sora la villa/Per l'anno 1733
|
Edission original: |
Siè cantè sora la villa, colla zonta d'altre composizioni sora el Vendri Gnoccolaro de Verona, Verona, Dionigi Ramanzini, 1784 |
|
Fonte: |
| ← Cantà VI | Edission e fonte ▼ | Per l'anno 1735 → |
AGn'anno me slambico, e me sgiaoro
Per cattar da far ridro in te sto dì,
Vecchio como che son secco incandì
L'é un mese e pì che strolego e laoro.
Volea slaudar so Celenzia Rettoro
E vorrea dir quel che n'hai ditto pì,
Ma 'l ghe n'hà tante, che setto de mi
Ne ghe posso rivar se fus Dottoro.
L'è n'Omo de gran zelo, e carità,
Omo de gran zudicio, e de gran testa,
Omo mazor de quanti mai ghe stà.
Voi da poro zuccon buttarme fera,
E far o ben o mal na improvisà
Su l'aria de zà ride primavera.
SEm zonti a un tempo adesso
Che la Città sta allegra
Ma la me pora pegra
Ne catta da magnar.
Ella se smania e sbegola,
Questa se gode e papola,
Quella fà 'l gran dezun,
Questa vol tripudiar.
Se fussi un po de sora
A vedro i campi, e i prè
Secchi, incandj brusè
Senz'erba, e senza gran;
Ne so un po se de gringola
Poressi via passarvela,
Ma in fatti havì rason
Perchè ghi pien le man.
Ringraziè pur la sorte
Vù altri Cittadini
Che ne si poerini
Nati sempre a strussiar.
Zà che ghe n'hì godivela
Che an mi se fus possibile
Vorrea per stà Città
Vegnerme a solazzar.
E tanto pì che adesso
Gh'avì che ve da leze
Un Pare, e che proveze,
E tutto osserva e fà.
Un che for d'agni regola
Col so giudizio supera
Quanti mai pol vegnir,
E quanti che ghe stá.
Vezìo con che prudenzia,
E con che vigilanzia
Conferva l'abondanzia
In sta sutta stagion.
Como el pesa el considera,
Como el misura e regola
Le cose in sta Città
Fornìa de provision.
Lù ascolta e lù consola
Quanti ghe và davvanti
Lù accetta tutti quanti
Con cor e carità,
Lù vol spedie le cause,
Lù ne vol tante prologhe,
E dai Procurator
El vol la brevità.
Siel benedetto mille
E mille volte e cento
Che agn'un resta contento
Del so paterno amor
L'hà messo ai dazj regola,
Sora i calmer invigila
L'è in tutto universal
Bontà, Fede, e rigor.
Bontà senza interesso,
Rigor che no destruze
Giustizia, e che no fuze
Rason de castigar,
Rigor che no pregiudica
A cor de Pare tenero,
Rigor però che fà
El vizio bagolar.
Fede costanta e salda
A quella Santa leze
De quel che tutto veze
E tutto pol e fà;
Fede a chi osserva i limiti
Dell'esser galantomeni
Fede a chi in bocca ten
Sempre la verità.
Bontà con tutti uguala,
E che tutti consola,
Che invigila e che vola
Don caze, e don se vol,
E con dis el proverbio
Pusillis cum magioribu
In tutto a tutti bon
Sluse e scalda co è 'l Sol:
Fenisso darve tedio,
Rettor degno fra tanti
De mille e laudi, e vanti
Del pì superbo onor,
Perchè temo d'offendere
La vostra gran modestia,
Tase la bocca sì
Parlando sempre el cor.