|
|rileto=no
|titolo=El guanto
|racolta=Nuove rime veneziane di guerra e di pace
|sudivision=[[Nuove rime veneziane di guerra e di pace/Rime cortesane|Rime cortesane]]
|autor=Umberto Foà
|ano=1917
|tipologia=poesie
}}
{{Page|Nuove rime veneziane di guerra e di pace.djvu/81}}
<poem>
{{Page|Nuove rime veneziane di guerra e di pace.djvu/82}}
Gera in gondola una sera
co ‘na splendida putela,
però sola no la gera:
{{r|4}}gh’era insieme una sorela.
Ogni tanto un vaporeto
solevava un’onda in alto,
e, spaurìa, con un sigheto
{{r|8}}la tremava a quel gran salto.
Sia la smania de l’istà,
de la luna el ragio insan,
no so come m’ò trova
{{r|12}}la so man ne la mia man.
Che sorpresa benedeta,
là, ne l’ombra cussì brava,
e se mi la tegnìva streta
{{r|16}}gnanca ela la molava!
Ma la man cussì graziosa,
gera streta dentro un guanto:
no gh’è roba più noiosa,
{{r|20}}mi za i guanti li odio tanto.
Mi me piase le man bele
dal profumo inebriante,
mi vòi strenzer vera pele,
{{r|24}}mi no voi pele de dante.<ref>Daino (N.d.R.)</ref>
L’àbia inteso el mio tormento,
sia inocenza stada la sua,
no so come, eco che sento
{{r|28}}ne la man la so man, nua.
L’ò tegnuda mez’oreta,
là, ne l’ombra cussì brava,
e se mi la tegnìa streta,
{{r|32}}gnanca ela la molava!
</poem>
{{N}}
| 