|secolo=XVIII
}}
<pages index="Collezione delle migliori opere scritte in dialetto veneziano 4.djvu" from=25 to=25 />
<poem>
Chi mai se l'averave imaginada
Che mi dovesse ne la prima volta
Che ò visto quela bela Drezza sciolta
Bruscar sto boconzin de inamorada?
Col so deeto Amor me l'à mostrada,
E mi inocentemente in man l'ò tiolta,
E in quel che la vardava, el can se volta,
E in cuor me cazza, oh Dio! la gran stocada;
Cussì finzendo placida bonazza
El mar cordona i curti barcarioi,
E nei scorgi la barca po el ghe strazza.
Scampè da Amor, no credè ai scherzi soi,
E in mi spechiève, zoventù matazza,
Che co' manco el credea go dà nei chioi.
</poem>
|