Sposi distanti

by Attilio Turco

3 Sposi distanti Sonetti Veronesi Sonetti Veronesi/Parte V - Trento e Trieste El bando de la mesa-note I riciamadi Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte V - Trento e Trieste

Sposi distanti

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  El bando de la mesa-note

Edission e fonte ▼

I riciamadi  →

SPOSI DISTANTI

— Cossa gavio Rosina?... — L’è dù^[1] mesi
     Che me marì^[2] l’è sta ciamado in guera;
     Quando l’è andado solo la bandiera,
     Semo basà, semo restadi intesi

Che lu, passando da cità e paesi
     El m’avarea manda in qualche maniera
     Tuti i iorni do’^[3] righe volentiera;
     I sarea stadi i bessi^[4] più ben spesi! —

Invesse è zà passà do’ setimane
     E mi de lu no ghe ne sò più nova;
     Siè lètare ho impostà con le me mane;

Ma, poro can, ci sa dove ’l se trova!
     Gò ’na passion qua rento che me brusa^[5]
     E gò le recie^[6] sempre che le rusa!^[7]

---

Note

1. dù ― due;
2. marì ― marito;
3. do' ― due;
4. i bessi ― denari;
5. brusa ― brucia;
6. rècie — orecchie;
7. rusa ― fischia.