EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 110 modifica]
I RICIAMADI


’Sti riciamadi,1 se anca iè vecioti,
     Ghe par de’ verghe ancora i so vint’ani!
     I marcia come tanti zovenoti
     E i se la passa alegramente e sani!...

Ghe piase bèar dei boni bussoloti2
     Do vini forestieri e de nostrani;
     Par le putele no j’è tanto coti...
     I so gode de più, starghe lontani!

Bessi3 in scarsela mai no’ ghe ne manca,
     E quando ghemo i bessi, ghemo tuto;
     E a le disgrassie no i ghe pensa gnanca...

Ma, se ghe toca4 andar a la frontiera.
     I se bate fin l’ultimo menuto,
     Par difèndar l’onor de la bandiera!



Note
  1. riciamadi ― richiamati;
  2. bussoloti ― bicchieri;
  3. bessi — denari;
  4. se ghe toca ― se devono.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=I_riciamadi&oldid=71707"