Sta notte, amiga, gò bù un gusto mato

by Giorgio Baffo

3 Sta notte, amiga, gò bù un gusto mato Raccolta universale delle opere di Giorgio Baffo Tomo I Me par, che un altro Diogene sarìa Cosa serve, che siè Donna d'inzegno Giorgio Baffo 1789 XVIII

poesie

Giorgio Baffo ―  Raccolta universale delle opere di Giorgio Baffo  ―  Tomo I

Sta notte, amiga, gò bù un gusto mato

1789

Edission original:	Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789
Fonte:	Indice:Raccolta universale delle opere di Giorgio Baffo 1.djvu

←  Me par, che un altro Diogene sarìa

Edission e fonte ▼

Cosa serve, che siè Donna d'inzegno  →

GUSTI NOTTURNI D'UNA DONNA

SONETTO

Sta notte, amiga, gò bù un gusto mato;
    Quanto mai se puol dar m'hò divertìo,
    Sappiè, ch'in t'un Casin mi gò dormìo
    4In mezzo d'un Bardassa, e d'un Prelato.

Ve podè figurar, cos'emo fato,
    Delle buzare tante, sì per Dìo,
    E semo andai a farle tanto drìo,
    8Ch'addosso n'è vegnù zorno de fato.

Mi giera in mezzo, come ve diseva,
    E in tempo, che 'l Bardassa mi chiavava;
    11El Prelato in tel cul me lo metteva;

Dopo el Bardassa in liogo mio tornava,
    E quando, che 'l Bardassa me fotteva,
    14El Prelato el Bardassa buzarava,

                17E cussì drìo s'andava;
Ma quello, che mi gò fatto rifflesso,
    17Mai el Prelato in Mona me l'hà messo.