Cosa serve, che siè Donna d'inzegno
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 1.djvu |
| ← Sta notte, amiga, gò bù un gusto mato | Edission e fonte ▼ | Un zorno me son messo a spassizzar → |
Cosa serve, che siè Donna d'inzegno
Se nol savè pò ben adoperar?
Eh vìa, che la se vaga a far squartar
4Quella tanta saviezza, e quel contegno.
Ma, no savè, che val più assae d'un regno
Farse da qualche zovene chiavar?
Che gusto mai gaveu sempre a filar,
8Far da sorda, e star dura, come un legno?
Oh sè una Dama de gran qualità!
Credeme, che da Adamo in fin adesso
11Delle gran zentildonne è stà chiavà.
El Confessor no vuol dar el permesso,
El Confessor! Che sielo buzarà!errata corrige originale
Anca lù, quando el puol, el fa l'istesso.
15Mi co ve son dappresso
Me sento, che l'Osello me và in pezzi,
Tanto so' innamorà dei vostri vezzi;
18Ma vardè, che strambezzi,
Che mai ve se ficcadi in te la Testa,
Cogiona, de voler viver onesta.
21Oh! che buzara è questa!
Mi v'hò pur dita zà l'usanza antiga,
Che sempre per chiavar xe stà la Figa,
24Ma donca, cara amiga,
Quando ve prega un povero cristian
Dovaressi slongar la vostra man
27Fatta de marzapan,
E sentir cosa xe carne de Oselo,
Che veramente l'è un boccon del Cielo:
30Anema mia, credelo,
Se no ve 'l lasserè cazzar in Mona,
32Vù viverè una vita da cogiona.