Un zorno me son messo a spassizzar
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 1.djvu |
| ← Cosa serve, che siè Donna d'inzegno | Edission e fonte ▼ | Ogni tanto riffletto alle ricchezze → |
Un zorno me son messo a spassizzar
Pien de buzare in testa in un campiello,
Butto i occhj a un balcon, e vedo in quello
4Un viso, che no giera da sprezzar.
La saludo, la ride, e mi a bel bello
Vago de suso, e digo, voi chiavar,
La responde, son putta, e nol voi far,
8Ma se volè, ve menarò l'Osello.
Resto de sta franchezza, e le carpette
La s'alza, e'l cazzo la me tira fuora;
11E mi ghe metto el muso nelle Tette;
Sulla Mona la vuol, che mi ghe sbora,
E per Dìo, che menae cussì perfette
14Da gnessuna Puttana gò bù ancora.