Struconi al cor
|
Edission original: |
Attilio Turco, Sonetti Veronesi, Verona, Tipografia Operaia, 1924 |
|
Fonte: |
| ← Da rabiado | Edission e fonte ▼ | Compleano → |
STRUCONI AL COR!
Quando sento un putin tirar la boca,[1]
Butà par tera in strada o rento in casa,
No posso dirve quanto me despiasa!
Lo ciapo[2] in brasso e guai ci me lo toca!
Ghe dao[3] ’na caramela e, se l’è poca,
Ghe zonto[4] un bel confeto, parchè ’l tasa,
Du, parchè ’l rida, tri, parchè ’l me basa
Su ’na ganassa[5] co ’n bason[6] che s-cioca!
E ghe domando: dime, cossa gheto?
Cosa t'hai fato, contemelo a mi;
È-la sta ’na putina o ’n puteleto?
No ’sta pianzar, và là, come te si!
Ciapa, le dago ’n’altro bel confeto,
Più tardi, fiol, te pianzarè cosi!
- Note