Sul divorzio (dialogo fra barcaroli)
|
Edission original: |
Carlo Rumor, Chi le conta xe qua, Venezia, Scarabellin, 1904 |
|
Fonte: |
Indice:Rumor - Chi le conta xe qua, Venezia, Scarabellin, 1904.pdf |
| ← Roba imprestada o persa o donada | Edission e fonte ▼ | Una bela risposta → |
Sul divorzio.
(Dialogo fra barcaroli).
― Ciò 'mpare, che sia vera opur un cogionelo
― sta lege sul divorzio?.. che razza de bordelo!..
― Da resto, te assicuro, per mi sarìa 'na mana
― cambiar muger, almanco, do tre per setimana! ―
» Alora, ciò, Venezia che sposa xe del mar,
» che possa el matrimonio co so mario desfar?»
― Sicuro che pol darse! ma za, in sto caso, digo
― che sposaria Venezia sto bogia de Caligo. —