Una bela risposta
|
Edission original: |
Carlo Rumor, Chi le conta xe qua, Venezia, Scarabellin, 1904 |
|
Fonte: |
Indice:Rumor - Chi le conta xe qua, Venezia, Scarabellin, 1904.pdf |
| ← Sul divorzio (dialogo fra barcaroli) | Edission e fonte ▼ | Una bruta figura → |
Giovàni e Bortolo,
do galantoni,
se incontra un zorno
a le «Nazioni» 1
― Sentime, Nane,
― te parlo s-cieto, ―
ghe dixe Bortolo,
― xe da un tocheto
che malinconico
te vedo. ― «Gnente,
» xe morto Cicio
» da un açidente,
» e me despiase,
» Bortolo mio,
» come che perso
» gavesse un fio.»
― Su, su, coragio,
― per sti malani!
― se ghe ne trova
― tanti dei cani! ―
«Sì, ma ti vedi,
» quela bestiola,
» te dago, Bortolo,
» la mia parola,
» te somegiava
» perfetamente,
» piena de sesto,
» inteligente!»
Bortolo alora,
che ga capìo,
fa finta d'èsser
tuto avilìo
per la disgrazia
tocada a l'altro,
ma el ghe risponde
da vero scaltro:
― Prega to mama
che a pian pianelo
la te ne fassa
un de più belo. ―
'Na risposta dada a ton
val più assae d'un gran sermon.
- Note