Tolìmela, Signor!

by Attilio Turco

3 Tolìmela, Signor! Sonetti Veronesi Sonetti Veronesi/Parte II - Me morosa Maridèmose Se te incontrasse Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte II - Me morosa

Tolìmela, Signor!

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  Maridèmose

Edission e fonte ▼

Se te incontrasse  →

TOLIMELA, SIGNOR!....

A me morosa quando son de bona
     Ghe digo un saco de frasete bele:
     Par mi te sì la meio de Verona,
     Te sì ’l campion de tute le putele...

Te gh’è quel bel risseto che ’l te dona,
     Te gh’è du oci che i me par dò stele,
     Te ghe somej tuta a la Madona...
     Te ’mpissarea davanti dò candele.

Par mi te si la rosa senza spina,
     La stela del presepio del me cor,
     El sol quando che ’l leva de matina,

L’ucia¹ che ponze e che no' dà dolor...
     Mi te voi ben che no g’hò più retegno:
     Tolìmela, Signor, che no son degno!

---

Note

1. ucia ― ago.