EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.

 Edission original:   

Attilio TurcoSonetti Veronesi, Verona, Tipografia Operaia, 1924

 Fonte:

Indice:Attilio Turco - Sonetti Veronesi.djvu

←  In cesa Edission e fonte ▼ Tolìmela, Signor!  →
[p. 51 modifica]
MARIDÈMOSE!1


La me morosa jeri la m’à dito:
     — Quand’è-lo, fiol d’un can, che te me sposi?
     G’ò risposto: — và là, tiremo drito;
     No gh’è de meio che restar morosi!...

— Te te la passi via piassè pulito,
     E te vè co’ la Togna e co’ la Rosi;
     Te fe’ de manco de pagar l’afito
     E de note te dormi e te riposi!

Ma mi ò pensado par un altra cosa:
     Che da morosi se se vol più ben;
     Quando doman te fussi la me sposa

E mi quel poro can che te mantien,
     Dopo un pochi de jorni te me trati
     Come che fa ’l barbier.... coi so abonati!...



Note
  1. Maridèmose! ― Sposiamoci!
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Maridèmose&oldid=71513"