Trasportà dal pensier, che sempre tristo

by Gian Giacomo Mazzolà

3 LXXXIV I cavei de Nina LXXXIII LXXXV Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

LXXXIV

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  LXXXIII

Edission e fonte ▼

LXXXV  →

LXXXIV

Trasportà dal pensier, che sempre tristo
     No pol za partorir che bruti intrighi,
     Me son catà, nè certo go stravisto,
     4De l'Inferno tra i oridi castighi.

Gran Dio, che tananai! Gran Dio, che misto
     De lamenti, de pianti, de urli e cighi!
     Furie, diavoli, strighe, orchi go visto,
     8De solfor sbampolae, fumi, calighi.

Visto un logheto, come xe una stua,
     Gh'ò domandà: Chi à da vegnirghe a star?
     11— Una superba se no la se mua.

A sta resposta cussì brusca e acerba
     Per ti m'ò sentìo, Nina, el cuor tremar,
     14Che quela Coa te fa tanto superba.