Turcheide
|
Edission original: |
Gino Cucchetti, Spiere de Sol!, Roma, Tipografia Elzeviriana, 1905 |
|
Fonte: |
| ← Campane! | Edission e fonte ▼ | Malinconie... → |
Un mio amigo che geri xe tornà
da un viagio in Turchia,
fra le tante curiose novità
ch'el ga visto la via,
5el me contava
che quelo che l'à fato entusiasmar
e divertir un mondo,
xe sta d'aver potudo visitar
l'harem, da çima a fondo.
10— Go visto — el me diceva — tante tose
tute bele e graziose,
coi oci neri, coi cavei biondi o mori,
coi vestiti de çento e più colori.
El sior Sultano po', da quel che sento,
15fra tute ste beleze prelibate,
xe beato, contento!
Co' l'amigo de dirme ga finio
tuto sto ben de Dio,
mi co' un'aria da ingenuo e da mincion
20ghe go fato sta mia interogazion:
— Come xe che in Turchia
co tute quele tose, amigo mio,
el Sultano xe sempre sodisfà,
e quà inveçe sto povaro mario,
25co' una sola mugier,
xe sempre... indiavolà?...