Un'onta e una ponta/12
|
Edission original: |
Giovanni Cristofferi, Un'onta e una ponta, Venezia, Pellizzato, 1907 |
|
Fonte: |
Indice:Cristofferi - Un'onta e una ponta, Venezia, Pellizzato, 1907.pdf |
| ← 11 | Edission e fonte ▼ | 13 → |
- 12.
Ma, framezzo ai cativi, ghe n'è tanti
che, dopo lavorà síe zorni intieri,
un dì i pol viver fora dai pensieri
senz'esser causa de dolori e pianti.
La sposa ga un bel ábito; i so guanti;
i fiói somegia a quei de siori veri;
i vestiti sarà veci o lizieri,
ma, cussì in sesto, i par novi fiamanti.
El papà tiol in brazzo el so più picolo,
a st'altro el ghe dà man; la mama al terzo:
no i ga minga paura del ridicolo!
Eco de le famegie la delizia:
lavorando de cuor, e no per scherzo,
dai più bruti difeti i se desvizia.