Un'onta e una ponta/13
|
Edission original: |
Giovanni Cristofferi, Un'onta e una ponta, Venezia, Pellizzato, 1907 |
|
Fonte: |
Indice:Cristofferi - Un'onta e una ponta, Venezia, Pellizzato, 1907.pdf |
| ← 12 | Edission e fonte ▼ | 14 → |
- 13.
El zogo e 'l vin! (lassèmo star le done,
che del mondo le xe la mégio parte)
se no i gavesse mai inventà le carte
e no fusse le ue cussì barone,
che, dopo fato el vin, le te compone
el spirito, capazze de mazzarte,
o quanto megio per l'industria e l'arte,
che ga neçessità de teste bone!
Quante desgrazie, quanto disonor
a l'omo e a le famegie sparagnà;
quante bale de manco in mezzo al cuor!
Vigliachi!; quando ben sè andài de là,
in causa de quei vizii che fa oror,
credéu con vu sia tuto terminà?